The Magnificent Dj Jazzy Jeff во Скопје

По повод 14 години постоење, SureShotz Entertainment, во соработка со Младински Културен Центар со гордост Ви го најавуваат еден од најквалитетните hip-hop dj-и и продуценти на сите времиња, Jazzy Jeff. Настанот ќе се одржи на 22ри Октомври/понеделник (23ти е неработен ден) во dancing салата на МКЦ со почеток во 21:00 часот, (врати отворени во 20:30ч).
Jazzy Jeff е еден од оние dj-и чие име прво Ви паѓа на памет кога помислувате на hip-hop и забава во исто време. Оваа легенда на hip-hop културата е родена пред 53 години во Филаделфија, каде на 10 годишна возраст за прв пат се среќава со магијата на грамофоните. Поради својата младост, на почетокот на својата кариера работел како “bathroom dj”, забавувајќи ја публиката во локалните клубови, кога resident dj-ите оделе на пауза во тоалет. Тоа за него не претставувало проблем, бидејќи го користел секој момент да работи на својата техника. За себе вели дека токму таа работна етика во младоста била пресудна да прерасне во пионер на “transformer” и “chirp” scratch техниките, кои за прв пат ги среќаваме во 1998 година во мега хитот “Gettin` Jiggy Wit It” на Will Smith. Тие двајца се запознале на приватна забава во 1985 година и веднаш започнале да работат заедно под името Dj Jazzy Jeff and The Fresh Prince, нешто што подоцна се покажува како пресврт во кариерата на Jeff. Веќе наредната година ја освојува “Dj Competition” наградата на New Music Seminar, и потпишува договор со продуцентската куќа Word Up Label. Дуото во својата 10 годишна кариера објавува пет студиски албуми, а ќе останат запаметени по тоа што се првите рап артисти кои освоиле Grammy награда (1989). По распадот на бендот (Jeff и Smith сеуште се многу добри пријатели и работат на заеднички проекти), тој се посветува на својата продуцентска куќа “A Touch of Jazz”, преку која помага во развојот на кариерите на голем број квалитетни музички имиња меѓу кои Eminem, Jill Scott, Musiq Soulchild, Jewel, The Roots, Talib Kweli, Rhymefest и други. Покрај нив, во текот на својата кариера соработувал и со De La Soul, Dj Cash Money, Method Man, CL Smooth, Big Daddy Kane и Raheem Devaughn. Оваа година беше актуелен како еден од судиите на RedBull Thre3Style натпреварувањето, а во Октомври за прв пат ќе се претстави пред Скопската публика.

Влезниците ќе бидат пуштени во продажба од понеделник (02.04.2018), преку продажната мрежа на МК Тикетс и билетарата на МКЦ и тоа:
– EARLY BIRD ВЛЕЗНИЦИ (во ограничен број) – 350 денари (првите 300 влезници)
– REGULAR ВЛЕЗНИЦИ – 500 денари
– НА ВРАТА – 600 денари

Локална поддршка: Shorty P, Irie Scratch, Geto Rudi и Druggy, и специјалниот гостин од Хрватска – Dj Phat Phillie.

МКЦ ќе шизи на 22ри Октомври!!!

Like this article?

Share on Facebook
Share on Twitter
Share on Linkdin
Share on Pinterest

Leave a comment

☎ +389 2 3116146
✉ booking@londonbnb.mk
st. Maksim Gorki no.1, Skopje 1000 – R.Macedonia

If you did not check, try again:
London Bed & Breakfast © Copyright 2015  |   Website made by HMS-JONEKS DOOEL SKOPJE